Пентагон раҳбари: АҚШ-Хитой можароси даҳшатли оқибатларга олиб келади

Бу ҳақда АҚШ мудофаа вазири Пит Хегсет Fox News телеканалига берган интервюсида айтди.

"Биз коммунистик Хитой билан зиддият излаётганимиз йўқ. Бу даҳшатли оқибат бўлади", деди у.

АҚШ мудофаа вазирлиги раҳбарининг қўшимча қилишича, Қўшма Штатлар етарлича кучли бўлса, можаронинг олдини олишга қодир.

Аввалроқ Тҳе Wашингтон Пост газетаси “Миллий мудофаа бўйича вақтинчалик стратегик қўлланма” деб номланган ҳужжатга таяниб, Пентагон Хитойни ягона доимий таҳдид деб билишини ёзган эди.

ОАВ хабарларини шарҳлар экан, Хитой Мудофаа вазирлиги матбуот котиби катта полковник Чжан Сяоганг АҚШ Хитойни таҳдид сифатида кўриб, жиддий стратегик хатога йўл қўяётганини айтди.