Хитой ҳукумати АҚШнинг Пекин Тайванга ҳарбий босим ўтказиётгани ҳақидаги даъволарини рад этди. Мамлакатнинг Тайван ишлари бўйича идораси вакили Чэн Бинхуа бундай баёнотларни "ғаразли ният" ва фактларни бузиб кўрсатиш деб атаб, Тайван масаласи Хитойнинг ички иши эканини таъкидлади.
Пекин Вашингтонни оролга қурол сотишни тўхтатишга ва Тайван масаласида эҳтиёткор бўлишга чақирди. Хитой томони "тинч йўл билан қайта бирлашиш"ни афзал кўришини билдирса-да, назоратни ўрнатиш учун куч ишлатишдан воз кечмаслигини яна бир бор эслатиб ўтди.
Айни пайтда Тайван мухолифати етакчиси Чэн Ли-вун Си Жинпин билан учрашувдан сўнг тинчлик йўлини танлаш мумкинлигини маълум қилди. Бироқ Пекин Тайван президенти Лай Циндэни "сепаратист" деб атаб, у билан музокара ўтказишдан бош тортмоқда.
Аввалроқ, АҚШнинг Тайвандаги де-факто элчиси Реймонд Грин Пекинни оролга нисбатан ҳарбий босимни тўхтатишга ва сайланган етакчилар билан тўғридан-тўғри музокаралар бошлашга чақирган эди. Унинг фикрича, Хитой барча сиёсий кучлар билан алоқаларни сақлаб қолиши муносабатлар барқарорлиги учун муҳим.
Уганда президентининг ўғли Туркиядан 1 млрд доллар ва энг гўзал қизни талаб қилмоқда
Жавоҳир Синдаров ва ижтимоий тармоқларни портлатган сурат
Тадбиркор президентдан 2–3 тонна олтин сўради ва....
