Душанба куни кучли қор ёғиши Париж ва унинг атрофидаги туманларда катта транспорт узилишларига олиб келди.
La Liberte нашрининг ёзишича, кечки пайт Франция пойтахтида қор ёғиши ва дам олувчиларнинг кетиши сабабли тирбандлик рекорд даражада - 900 км га етган.
Қайд этилишича, Парижда автобус қатнови кун давомида тўхтатилган, мамлакат авиакомпаниялари рейслар сонини қисқартирган.
"Авиакомпаниялар душанба куни Париж-Шарль де Голл ва Париж-Орли аэропортларида парвозлар сонини 15 фоизга қисқартириши керак. Бу чора-тадбирлар учиш-қўниш йўлакларини қордан тозалаш ва самолётларни муздан тозалаш учун зарур", - деди Франция транспорт вазири Филипп Табаро матбуот анжуманида.
Эслатиб ўтамиз, 5 январь куни Франция ғарбида кучли қор ёғиб, кейинчалик Париж ҳудудига етиб борган ва айниқса Нормандия ва Париж минтақасида транспортда сезиларли узилишларга сабаб бўлган эди.
Хоин тан соқчи 50 миллион доллар олиши мумкин
Мадуронинг ўғли отасининг ўғирлаб кетилишидан сўнг унга мурожаат қилди
Байден йилига қанча нафақа олади?
