Папа Лео XIV илк бор Рождество ибодатини бошқарди

Рим-католик черковининг руҳий етакчиси Папа Лео XIV илк марта Рождество маросимини бошқарди. Ибодат Ватикандаги Авлиё Пётр базиликасида ўтказилиб, унда кардиналлар, епископлар, руҳонийлар, дипломатик корпус ва кўплаб меҳмонлар иштирок этди.

Папа Лео XIV нутқида материализмни кескин танқид қилиб, бузилган иқтисодий тизим одамларга товар сифатида муносабатда бўлаётганини таъкидлади.

Ушбу Рождество маросими Папа Франциск 21 апрелда вафот этганидан сўнг, 8 май куни ўтган конклавда Папа этиб сайланган Лео XIV учун илк Рождество ибодати бўлди.

Маълумотларга кўра, маросим ярим тунда бошланган ва узоқ давом этган бўлиб, ОАВ буни черковнинг анъанавий тартибларига қайтиш сифатида баҳоламоқда.

25 декабрь куни Папа Лео XIV анъанавий «Urbi et Orbi» — «Рим шаҳри ва бутун дунёга» мурожаати билан чиқиш қилади.