Озарбoйжон жосусликда айбланган Франция фуқаросини авф қилди

Бу қарор ЕИ Алишер Усмоновни санкциялар рўйхатидан чиқарганидан бир кун ўтиб қабул қилинган

Reuters агентлигининг хабар беришича, Озарбойжон жосусликда айбланиб судланган Франция фуқароси Мартин Райанни авф қилди. Райан Бокуда 10 йиллик қамоқ жазосини ўтаётган эди. Унга нисбатан ҳукм шу йилнинг март ойида чиқарилганди.

Уч нафар европалик дипломатнинг агентликка маълум қилишича, Париж Бокуни Усмонов билан боғлиқ вазиятдан Францияга босим ўтказиш учун фойдаланишда айблаган. Дипломатлар бу ҳолатни Озарбойжонда Франция фуқароларининг ушлангани билан боғлаган. Боку эса бу даъвони рад этган.

22 сентябр куни россиялик олигархлар Алишер Усмонов ва Михаил Фридман Европа Иттифоқининг санкциялар рўйхатидан чиқарилганди.