Оқ уй Politico журналистини Air Force One бортига киритмади

Оқ уй Politico нашри вакилини АҚШ президентининг Air Force One самолёти бортига киритишдан бош тортди. Бу ҳақда CNN хабар берди.

Politico вакили нашр сафар пресс-пулидан — АҚШ президенти Дональд Трампни хизмат сафарларида кузатиб борадиган кичик журналистлар гуруҳидан чиқарилганини тасдиқлади.

Аввалроқ Дональд Трамп Politico, CNN ва MS NOW нашрларини «сохта ахборот тарқатувчи» ОАВ деб атаб, уларнинг вакилларига ўз маъмуриятига киришни тақиқлаган эди.

Кейинчалик суд мазкур чекловни бекор қилишни буюрди ва Оқ уй ушбу нашрлар журналистларининг кириш ҳуқуқини қайта тиклади.