Операцияда Венесуэла президенти қўриқчиларининг катта қисми ҳалок бўлган

АҚШнинг Николас Мадуро ва унинг рафиқасини қўлга олиш бўйича ўтказган операциясида Венесуэла президенти қўриқчиларининг катта қисми ҳалок бўлган.

Бу ҳақда Венесуэла мудофаа вазири Владимир Падрино Лопес Reuters нашрига маълум қилди.

Унинг сўзларига кўра, АҚШ кучлари ўта совуққонлик билан ҳаракат қилган, натижада Мадурони кузатиб юрган хавфсизлик ходимлари ҳалок бўлган. Вазир ҳалок бўлган қўриқчилар сонига аниқлик киритмади.

АҚШ расмийлари бу маълумотга изоҳ бермаган. Аввалроқ Вашингтон Мадуро ва унинг рафиқасини қўлга олиш операцияси америкалик ҳарбийлар томонидан йўқотишларсиз ўтказилганини билдирган эди.