Сунъий интеллект (СИ) соҳасидаги шиддатли ўсиш кутилмаган иқтисодий инқироз билан тўқнаш келиши мумкин. Америкалик сиёсатшунос Малек Дудаков ва EADaily нашри СИ бозоридаги «пуфак» тез орада ёрилиши ва бу бутун дунё молиявий тизимига зарба бериши ҳақида огоҳлантирмоқда.
СИ оламининг байроқдори ҳисобланган OpenAI компанияси молиявий жарлик ёқасида турибди. Маълумотларга кўра, стартап ҳар чоракда тахминан 12 миллиард доллар зарар кўрмоқда. Вазиятни ўнглаш учун инвесторларга 17,5 фоизлик фойда ваъда қилинаётган бўлса-да, бундай катта таваккалчиликка қўл урувчилар сони камайиб бормоқда.
Инқироз фақатгина битта компания билан чекланиб қолмайди. OpenAI’нинг энг йирик ҳамкори — Oracle корпорацияси ҳам қарз ботқоғига ботган. Агар СИ соҳасининг ушбу икки гиганти қуласа, бу бутун бозорни ўз ортидан тортиб кетиши мумкин. Экспертлар буни 2000-йиллардаги «доткомлар инқирози»га қиёслашмоқда.
Мутахассисларнинг таҳлилига кўра, СИ лойиҳаларининг муваффақиятсизлиги АҚШ иқтисодиётини 2027 йилга келиб чуқур рецессияга олиб келади:
Ишсизлик: 5 фоиз ва ундан юқорига кўтарилиши кутилмоқда.
Инфляция: Энергия танқислиги ва технологияларнинг қимматлаши ҳисобига нарх-наво ошиши тезлашади.
Уолл-стрит хавотири: СИ айни дамда АҚШ иқтисодиётининг ягона ўсиш драйвери бўлиб турибди. Агар у ҳам қуласа, глобал молиявий бозорлар занжирбанд равишда инқирозга юз тутади.
СИ соҳасига тикилган триллионлаб долларлар кутилган фойдани келтирмаса, бу нафақат АҚШ, балки жаҳон иқтисодиёти учун жиддий хавф туғдиради. Инвесторларнинг технологияларга бўлган ишончи йўқолиши капиталнинг бозордан чиқиб кетишига ва узоқ давом этувчи иқтисодий турғунликка сабаб бўлиши мумкин.
Ҳусановнинг финалдаги ўйини қандай баҳоланди?
Эрон Трампнинг Ҳормуз бўғозини очиш ҳақидаги ультиматумига жавоб берди
Трампнинг онаси ўғли ҳақида: "У ақлсиз..."
