Олий таълим ташкилотлари миллий рейтинги янгича тартибда юритилади

Олий таълим ташкилотларининг миллий рейтингини юритиш тартиби бўйича низом лойиҳаси жамоатчилик муҳокамасига қўйилди. Унга кўра, миллий рейтинг 2026 йил 1 январдан бошлаб амал қилади.

Рейтингда ташкилий-ҳуқуқий шаклидан қатъи назар, ташкил этилганига камида 3 йил бўлган ва битирувчилари мавжуд олий таълим ташкилотлари иштирок этади. Олий ҳарбий, ҳарбийлаштирилган, ихтисослаштирилган олий таълим ва илмий-тадқиқот муассасалари рейтингга киритилмайди.

📊 Миллий рейтинг ОТМлар контингенти ва йўналишига қараб тоифалар асосида юритилади:
— ижтимоий-гуманитар фанлар;
— амалий фанлар;
— тиббиёт фанлари;
— ижод ва спорт йўналишидаги ОТМлар.
💻 Ҳар бир ОТМ рейтинг учун зарур маълумотларни махсус электрон платформага ҳар йили 1 февралгача киритиши шарт.

🗓 Таҳлил натижалари асосида шакллантирилган миллий рейтинг ҳар йили 31 октябрга қадар эълон қилинади (https://t.me/nodavlattalim/4599).

📑 Рейтингни баҳолаш мезонлари алоҳида жадвал асосида белгиланиб, таълим сифати, илмий салоҳият ва бошқа кўрсаткичлар инобатга олинади.