Ижтимоий тармоқларда ИИО ходими вояга етмаган қизга нисбатан ғайриқонуний хатти-ҳаракат содир этгани ҳақида тарқалган хабарлар ҳақиқатга тўғри келмаслиги маълум қилинди.
Аввалроқ, 28 апрель куни мазкур ҳолат ваколатли органлар томонидан ўрганилаётгани ҳақида ахборот берилган эди. Кейинги суриштирувлар давомида эса тарқатилган иддаолар ўз тасдиғини топмагани аниқланган.
Маълум қилинишича, 27 апрель куни тунги соат 00:40 да Оҳангарон шаҳар ИИБ ППХ ходимига таниши — 22 ёшли аёл қўнғироқ қилиб, маслаҳат олиш мақсадида чақирган. Ходим етиб борганида, мазкур аёл ҳамда унинг 14 ёшли таниши биргаликда унинг автомобилига ўтирган.
Шу вақтда 18 ёшли шахс яна бир неча танишлари билан келиб, ходимни ҳақорат қилган ва жанжал келтириб чиқарган. Қайд этилишича, у 14 ёшли қизга қариндош эмас.
Вояга етмаган шахс иштирок этгани сабабли ҳолатнинг барча тафсилотлари очиқланмаган.
Ички ишлар органлари маълумотига кўра, иш якунига кўра ёлғон ахборот тарқатган шахсларга нисбатан қонунчиликда белгиланган тартибда маъмурий ёки жиноий жавобгарлик чоралари кўрилиши мумкин.
Шунингдек, мутасаддилар оммавий ахборот воситалари вакилларини тасдиқланмаган маълумотларни тарқатмасликка чақирди.
Абдуқодир Ҳусанов ота-онасига 330 минг долларлик вилла совға қилди
Zo'r TV бугун «Барселона» ва «Манчестер Сити» иштирокидаги ўйинларни жонли трансляция қилади
Самарқандда икки нафар қиз васийси томонидан жисмоний ва руҳий зўравонликка учради
