Хитойнинг Чанъэ-4 космик аппарати инсоният тарихида биринчи марта Ойнинг тескари томонига қўнди. Бу ҳақда Хитойнинг Синьхуа агентлиги твиттердаги саҳифасида хабар берилган.
Associated Press агентлигининг Хитой телевидениесига асосан аниқлик киритишича, аппарат Хитой вақти билан соат 10:26да (Тошкент вақти билан 6:26) Ойга қўнган.
Хитой ҳукуматининг қайд этишича, бу воқеа космик тадқиқотлар соҳасида муҳим босқич ҳисобланади.
Аввалроқ, Чанъэ-4 Ойга яқинлашгани ҳақида хабарлар тарқалганди.
Эслатиб ўтамиз, бундан аввал Morgan Stanley 2019 йилни космос йили деб атаганди.
