Январь ўрталарида АҚШ разведкаси раҳбари Уильям Бёрнс Киев ва Москвага борган. У томонларнинг музокараларга тайёрлигини баҳолаши керак бўлган.
Швейцариянинг Neue Zürcher Zeitung нашрининг немис амалдорларига таяниб берган маълумотларига кўра, Бёрнс ҳудуд эвазига тинчлик вариантини таклиф қилган. Хусусан, Россияга Украинанинг 20 фоиз ҳудуди ҳисобига урушни тугаллаш варианти берилган бўлиши мумкин. Украина ҳудудий ён беришларга рози бўлмаган. Москва эса узоқ истиқболда ғалаба қозониш ва янада йирик ерларни эгаллашига ишонган.
Манбалар Оқ уйда урушни тугаллаш бўйича баҳслар кетаётганини таъкидлашган. МРБ бошлиғи ва Байденнинг миллий хавфсизлик масалалари бўйича маслаҳатчиси Жейк Салливан низони тезроқ тугатиш ва Хитой масаласига эътибор беришга чақирмоқда. Аксинча, Давлат департаменти бошлиғи Энтони Блинкен ва мудофаа вазири Ллойд Остин Россиянинг халқаро хавфсизлик тизимини йўқ қилишига қарши чиққан. Улар Киевни янада фаолроқ қўллаб-қувватлаш тарафдори.
Айрим маълумотларига кўра, Украина берилган таклифларни инкор этгач, жаноб Байден Abrams танкларини беришга рози бўлган.
Шойгу уруш тугайдиган “аниқ ва шубҳасиз” санани маълум қилди
Россия ҳукумати бунга рози бўлди
Путин ва Илҳом Алиев темир йўл соҳаси фахрийлари ва ходимлари билан учрашув ўтказди
