Носоз фильтрдан фойдаланаётган иссиқхоналарга чора кўрилмоқда

Махсус комиссия томонидан Тошкент вилояти Зангиота туманидаги «Истиқлол», «Бодомзор» МФЙларда жойлашган иссиқхоналарда экологик рейд ўтказилди.

Ўрганиш давомида «Истиқлол» МФЙ ҳудудида жойлашган фуқаро Б.З.га тегишли ҳамда «Бодомзор» МФЙ ҳудудида жойлашган фуқаро Х.У.га тегишли иссиқхоналарнинг фильтрлари носоз эканлиги аниқланди. Ҳар икки ҳолат юзасидан МЖТКнинг 95-моддаси билан маъмурий баённома расмийлаштирилди.

Маълумот учун, аввалроқ Зангиота туманида 14 та иссиқхона фаолияти ўрганилган ва фильтри носоз иссиқхоналар аниқланган эди.

Рейд тадбирлари давом эттирилмоқда.