Нобел мукофоти совриндори Наргиз Муҳаммадий Эронда ҳибсга олинди

2023 йилда тинчлик бўйича Нобел мукофоти совриндори Наргиз Муҳаммадий Эронда ўтказилган хотира тадбирида ҳибсга олинди.

Наргиз Машҳадда шу ой ўз кабинетида ўлик ҳолда топилган адвокат Хосров Аликюрдини ёд этиш маросимида қўлга олинган.

Қайд этилишича, Наргиз Муҳаммадий 2024 йил декабрида вақтинчалик ҳибсдан озод этилган, у бир неча фаоллар билан бирга хотира тадбирида ҳибсга олинган.

Ижтимоий тармоқлардаги маълумотни унинг Парижда яшовчи турмуш ўртоғи Таги Раҳмоний ҳам тасдиқлаган. Унинг сўзларига кўра, Муҳаммадий бир қанча фаоллар билан бирга ҳибсга олинган.