Божхона қўмитасининг “Тошкент-АЭРО” ихтисослаштирилган божхона комлпекси Контрабандага қарши курашиш шуъбаси, “Электрон тижорат” ташқи иқтисодий фаолияти божхона пости ходимлари томонидан Давлат хавфсизлик хизмати билан ҳамкорликда аниқланган ҳолатда ҳам наркотик моддаларни трансчегаравий ўтказиш ва яширин нарколаборатория фаолиятига чек қўйилди.
Гап шундаки, Янгийўл туманида истиқомат қилувчи 20 ёшли фуқаро номига Нидерландиядан юборилган халқаро курьерлик жўнатмасида ҳужжатларга кўра турли конфетлар юборилгани аниқланди. Аммо, сиртдан қараганда безиён ва бежирим кўринган бу конфетлар божхона ходимларини шубҳалантириб қўйди.
Божхона қўмитасининг Марказий божхона лабораториясида ўтказилган экспертиза шубҳаларни тасдиқлади. Жўнатмадаги конфетлар аслида оғу – 1 кг. 351 гр. “клефедрон” синтетик наркотик моддаси эканлиги аниқланди.
Масаланинг аянчли жиҳати шундаки, ўз номига жўнатма юборилган шахс 10 млн сўм пул эвазига ўзнинг номига жўнатма юборилишига, у эса жўнатмани қабул қилиб олиб, бошқа шахсга етказишга рози бўлган.
Тезкор тадбир давомида жўнатмани ушбу шахсдан қабул қилиб олиши керак бўлган 36 ёшли бошқа бир фуқаро ҳам қўлга олинди ва унинг Яшнобод туманидаги хонадони кўздан кечирилди.
Натижада, хонадонда гиёҳвандлик моддаларини тайёрлаш ва тақсимлаш учун яширин нарколаборатория ташкил этилганлиги фош бўлди.
Нарколабораториядан 5,3 кг. оғирликдаги синтетик наркотик моддалар, уларни тайёрлашда фойдаланилган турли колбалар, полиэтилен ўрамлар, миксер, турли кимёвий суюқликлар ва бошқа асбоб-ускуналар далилий ашё тариқасида олиб қўйилди.
Ҳолат юзасидан божхона органлари томонидан жоният иши қўзғатилди.
Садир Жапаров Қамчибек Ташиевни нега ишдан олганини тушунтирди
Олим Ер аҳолисини «жаҳаннам иқлими»дан огоҳлантирди
Россиялик журналист АҚШга жўнашдан олдин Нетаньяхунинг самолётидан тушириб юборилди
