Нидерландия полицияси ҳалокатли отишма ортидан 34 кишини ҳибсга олди

Нидерландия полицияси Оверасселт қишлоғида бир кишининг ўлимига сабаб бўлган отишма ортидан 34 кишини ҳибсга олди.

Ҳибсга олинганлар орасида Франция, Жазоир, Бельгия ва Нидерландия фуқаролари бор.

Хабарларга кўра, бугун эрталаб Амстердамдан тахминан 135 километр жануби-шарқда жойлашган Оверасселтда отишма содир бўлган, натижада бир киши ҳалок бўлган ва икки полиция ходими яраланган. Улар касалхонада даволанмоқда.

Видеокузатув ёзувларида чанғи ниқоблари кийган тахминан 30 нафар қуролланган одам кўчада юриб, ўт очиб, кейин воқеа жойидан қочиб кетаётгани кўрсатилган.

Полиция маҳаллий аҳолини вақтинча уйда қолишга чақириб, ҳудудда кенг кўламли операция бошлади.

Нидерландия миллий полицияси бошлиғи Женни Кнол ижтимоий тармоқ саҳифасида "кўп сонли" гумондорлар аллақачон ҳибсга олинганини эълон қилди.