Нетаняҳу Трампнинг Ғазо сектори бўйича режасини рад этди

Унинг сўзларига кўра, ҲАМАС тўлиқ қуролсизлантирилмагунча Исроил мудофаа армияси (ЦАХАЛ) Ғазо секторидан ўз қўшинларини олиб чиқмайди.

Исроил бош вазири у барча турдаги қуролларни назарда тутаётганини таъкидлади. Нетаняҳунинг айтишича, ҲАМАС ҳаракати ҳамон Исроилга ҳужумлар уюштиришга қодир.

Доналд Трамп шу йилнинг бошида Ғазо секторини Исроил ва ҲАМАС ўртасидаги урушдан кейин қайта тиклашга раҳбарлик қиладиган ва ўзи бошқарадиган халқаро “Тинчлик кенгаши” тузилишини эълон қилган эди. Ушбу тузилмани ташкил қилиш секторга кўп миллатли кучларни жойлаштириш билан бир қаторда Оқ уй раҳбарининг Фаластин ҳудуди бўйича тинчлик режасига киритилган.

Аввалроқ ҲАМАС Исроил ҳарбийлари Ғазо секторидан бутунлай чиқиб кетиши шарти билан қуролсизланишга тайёрлигини маълум қилган эди.