Исроил бош вазири Биньямин Нетаньяҳу Фаластин ерларида яҳудийлар учун турар жой қурилишини жадаллаштиришга ваъда берди.
У: «Биз турар жой қуришда давом этамиз. Чуқур илдиз отамиз ва душманларимизни яксон этамиз», деган.
Ғарбий соҳилда 1967 йилдан буён ноқонуний тарзда қурилган Исроил турар жой пунктлари сони 250 тага етиб, у ерларда 400 минг яҳудий аҳоли истиқомат қилади.
Айни пайтда Исроил Ғарбий соҳилда ноқонуний равишда яҳудийлар учун 14 та турар жой биноларини қуришни режалаштирмоқда.