Жорий йилнинг 17 январ куни соат 07:00ларда Навоий вилояти Томди тумани ҳудудидан ўтган А-379 «Навоий-Учқудуқ» халқаро аҳамиятга молик автомобил йўлининг 189-190 километрлари оралиғида «ZHONG TONG BUS» русумли автобус «Навоий-Зарафшон» йўналиши бўйлаб ҳаракатланиб келиб бошқарувни йўқотган. Натижада йўловчи автобус йўналиши бўйича йўлни қарама-қарши томонига ағдарилиб, йўл-транспорт ҳодисаси содир этган.
Ҳодиса натижасида икки нафар фуқаро жабрланган ва улар Зарафшон шаҳар тиббиёт бўлимига етказилган.
Вилоят ИИБ ЖХХ ЙҲХБ Ахборот хизмати маълумотига кўра, ҳозирда ҳолат юзасидан ЖКнинг 266-моддаси 1-қисми билан жиноят иши қўзғатилиб, тергов ҳаракатлари олиб борилмоқда.
Расмий хабарда автобус салонида неча киши бўлгани ва жабрланганларнинг кейинги аҳволи ҳақида маълумот келтирилмаган.
Эслатиб ўтамиз, жорий йилнинг 5 январида айни Томди туманида йўловчи ташувчи автобуснинг ағдарилиб кетиши оқибатида 2 киши вафот этган ва 9 киши жабрланган эди.
Ачинарлиси эса ҳар икки ҳолат «Навоий-Учқудуқ» халқаро аҳамиятга молик автомобиль йўлида содир бўлган.
Ҳатто ЙТҲдан кейин ҳам Адам Қодиров медал олиб келмоқда
Гренландия ташқи ишлар вазири йиғлаб юборди
Украина Россиянинг "Орешник" ракеталари учириладиган ракета майдончасига зарба берди
