Навоий аэропорти “Uzbekistan Airports”нинг марказлаштирилган тезкор бошқарув тизимидан чиқарилади

Унга маҳаллий ва хорижий авиакомпаниялар билан йўловчи ва юк ташиш, транзит ва техник қўнишлар бўйича мустақил музокаралар олиб бориш ва шартномалар тузиш ҳуқуқи берилади.

Бу ҳақда Шавкат Мирзиёев ҳузурида ўтган тақдимотда маълум қилинди.

Шунингдек, аэропорт ҳудудида ҳаво кемаларига техник ва тижорат хизматлари кўрсатишга ихтисослашган “порто-франко” эркин божхона зонасини ташкил этиш таклиф қилинди.

Бундан ташқари, ҳудуддаги меҳмонхона аэропорт тасарруфига ўтказилиши белгиланди.