"Навбаҳор" ва Қирғизистон миллий терма жамоаси ҳужумчиси Жоэль Кожо иштирокида йўл-транспорт ҳодисаси содир бўлди.
Қирғизистон футбол иттифоқи маълумотига кўра, воқеа 29 сентябрь куни Жибек Жолу ва Манас кўчалари кесишмасида рўй берган. Футболчи миллий жамоа йиғини ўтаётган "Мурас Юнайтед" базасидан шахсий ишлари билан чиққан пайтда электровелосипедда ҳаракатланаётган фуқаро билан тўқнашган.
Ҳодисадан кейин жабрланган шахс шифохонага олиб борилган. Текширув натижаларида унда жиддий жароҳат ёки мия чайқалиши белгилари аниқланмаган.
Қирғизистон футбол иттифоқи баёнотида электровелосипеддаги фуқаро пиёдалар ўтиш жойидан ҳаракатлангани, шу билан бирга, йўл ҳаракати қоидалари бузилгани қайд этилган.
ЙТҲнинг аниқ сабаблари ва барча тафсилотлари текширув якунларидан кейин маълум бўлади.
Айни пайтда Жоэль Кожо миллий терма жамоа ихтиёрида қолмоқда ва Ливанга қарши бўлажак учрашувга тайёргарликни давом эттирмоқда.
"Олтин тўп" учун овоз бериш якунланди
Ўзбекистон терма жамоаси аъзоси легионерга айланиши мумкин
«Манчестер Сити» футболдан бутунлай четлатилиши ҳам мумкин
