НАТОнинг жанубий қаноти Туркия ва унинг раҳбариятига муҳтож

Нидерландия Бош вазири Марк Рютте, НАТОнинг жанубий қаноти Туркия ва унинг раҳбариятига муҳтож эканини айтди.

Рютте Президент Ражаб Тоййиб Эрдўған билан Ваҳдеттин саройида бўлиб ўтган учрашувдан сўнг муштарак матбуот анжуманида гапирди.

Бош вазирнинг айтишича, учрашув чоғида кун тартибидаги масалалар, хусусан, икки томонлама муносабатлар, шунингдек, геосиёсий аҳамиятга эга бўлган масалалар муҳокама қилинган.

Рютте: «Туркия ҳал қилувчи роль ўйнайди. Айни пайтда Ғазодаги вазиятни тартибга солиш учун ҳаракат қилмоқда. Шу билан бирга, у Украинадаги бу даҳшатли урушга қарши чоралар кўрмоқда. Бу борада сиз муҳим роль ўйнаяпсиз».

«Туркия геосиёсий ўйинчи. Туркия минтақада катта таъсирга эга», деди у.

Сиёсатчининг қўшимча қилишича, Туркия ва Нидерландия ўртасидаги муносабатлар узоқ йилларга асосланган. Унинг сўзларига кўра: учрашув давомида кўплаб масалалар, жумладан, Ғазо ва Украина масалалари муҳокама қилинган.

НАТО Бош котиблигига номзоди муҳокама қилинаётганини айтиб, у шундай деди:

«Туркия НАТОдаги жуда муҳим иттифоқдош. Туркия АҚШдан кейин НАТОдаги иккинчи энг катта ҳарбий кучдир. Туркия мураккаб минтақада, қўшнилари қийин жуғрофий ҳолатда жойлашган давлатдир. Афсуски, терроризм унинг кун тартибида».

Учрашувда терроризмга қарши кураш масаласи ҳам муҳокама қилинганини таъкидлаган Рютте: «Бутун минтақа барқарорлиги ва умумий трансатлантик муносабатлар нуқтаи назаридан, НАТОнинг жанубий қаноти Туркияга, Туркия етакчилигига муҳтож» деди.