NATO бош котиби эълон қилинмаган ташриф билан Киевга борди

Алянс раҳбари Марк Рютте 3 июн куни кутилмаганда Украина пойтахти Киевга келди. Украина президенти Володимир Зеленский Марк Рютте билан учрашди.

Марк Рютте билан бирга алянсга аъзо 32 давлатнинг доимий вакиллари ва уларнинг ўринбосарлари келди. Улар урушда ҳалок бўлган украиналик аскарлар хотирасини ёд этди.

Рюттенинг ташрифи Украина дронлари Россиянинг Санкт-Петербург шаҳридаги ҳарбий ва энергетика об'ектларига зарбаберганидан бир неча соат ўтиб содир бўлди. Ўша вақтда Санкт-Петербургда йирик иқтисодий форум сабабли расмийлар ва хорижий меҳмонлар йиғилаётган эди.