Нарендра Моди меҳмонхонадаги отишмадан кейин Трампга ҳамдардлик билдирди

Ҳиндистон Бош вазири Нарендра Моди АҚШ Президенти Дональд Трамп, Биринчи хоним Мелания Трамп ва Вице-президент Жей Ди Вэнс Вашингтондаги отишмада жабрланмаганини билиб, енгил тортганини айтди.

Моди бу ҳақда ижтимоий тармоқ саҳифасида ёзган.

"Вашингтондаги меҳмонхонада яқинда содир бўлган воқеадан сўнг Президент Трамп, Биринчи хоним ва Вице-президент соғ-саломат ва жароҳатланмаганини билиб, енгил тортдим. Уларнинг хавфсизлиги ва фаровонлиги учун энг эзгу тилакларимни билдираман", деди Моди.

У шунингдек, демократик жамиятда зўравонлик қабул қилиниши мумкин эмаслигини ва уни қаттиқ қоралаш кераклигини таъкидлади.