Намойишларда қурбонлар сони бир неча юз кишидан ошмайди

Эрон ташқи ишлар вазири намойишларда қурбон бўлганлар сони бир неча юз кишидан ошмаслигини маълум қилди.

Аббос Ароқчининг сўзларига кўра, айримлар Эрондаги намойишлар қурбонлари сонини атайлаб ошириб кўрсатишга уринмоқда, бироқ келтирилаётган рақамлар ҳақиқатга мос келмайди.

Вазир вафот этганларнинг аниқ сони яқин вақт ичида, эҳтимол бугун кечқурун эълон қилинишини билдирди. У, шунингдек, тарқатилаётган рақамларни дезинформация кампаниясининг бир қисми сифатида баҳолади.

Associated Press нашрининг ёзишича, Эрон­да ҳукуматга қарши намойишларни куч билан бостириш оқибатида камида 2 571 киши ҳалок бўлган, уларнинг 2 403 нафари намойишлар иштирокчилари, 147 нафари эса ҳукуматга алоқадор шахслар бўлган. Шунингдек, 18 100 дан ортиқ киши ҳибсга олинган.