Наманган шаҳрида 1995 йилда туғилган, касби қассоб бўлган Олимхон исмли йигит икки ярим миллион сўм қарз олган таниши Муҳсиновни пичоқлаб, унга оғир тан жароҳати етказди. Бу ҳақда «Sevimli» телеканалининг «Zamon» информацион дастурида маълум қилинди.
Ушбу жиноят иши Жиноят ишлари бўйича вилоят судида кўриб чиқилди. Гувоҳлар кўрсатмалари, далилий ашёлар ўрганилди.
Ўша куни Олимхон таниши Муҳсиновни «Бунёдкор» МФЙ ҳудудидаги «Ёшлик барака» бозори ҳудудида учратиб, ундан қарзини қайтаришни сўрайди. Бироқ ўртада жанжал келиб чиқади. Атрофдаги одамлар иккаласини ажратиб, Муҳсиновни бозордан чиқариб юборади. Шунда Олимхон Муҳсиновнинг орқасидан югуриб бориб, унга ёнидаги ошхона пичоғи билан ташланади ҳамда Муҳсиновга ўта оғир жароҳат етказади.
Жиноят ишлари бўйича Наманган вилояти суди томонидан Олимхонга 7 йил муддатга озодликдан маҳрум қилиш жазоси тайинланди.
Тошкентда қўлга олинган депутат 14 ёшли ўғил болани зўрлаганликда айбланмоқда
1 майдан электр ва газ учун тарифларни ошириш ҳамда ижтимоий нормани жорий этиш режа қилинмоқда
Тошкентда яна бир “участкавой” пичоқланди
