Наманган. 2020 йил 08 майдан 09 майга ўтар кечаси номаълум шахс Поп тумани Водий МФЙ ҳудудида жойлашган 34 ёшли Ф.Ж., га тегишли дўконга эшик қулфини бузиш йўли билан ғайриқонуний равишда кириб, у ердан 1.000.000 сўм ва 200 АҚШ доллари нақд пул ҳамда 7.000.000 сўмлик хўжалик ва озиқ-овқат маҳсулотларини ўғирлаб, ҳодиса жойдан яширинган.
Ҳолат юзасидан Поп тумани ИИБ ҳузуридаги Тергов бўлими томонидан Ўзбекистон Республикаси Жиноят кодексининг 169-моддаси 2-қисми “г” банди (ўғирлик) билан жиноят иши қўзғатилган.
Тергов-тезкор ҳаракатлари натижасида ушбу жиноятни 29 ёшли О.А. ва қўшниси 27 ёшли А.Э., лар содир этганликлари аниқланиб, озиқ-овқат ва парфюмерия маҳсулотлари ашёвий далил тариқасида расмийлаштириб олинган. О.А. ва А.Э., лар гумон қилинувчи тариқасида жалб қилинганлар.