Японияда инсоннинг ҳайвонлар билан тиллашишига ёрдам берадиган электрон қурилма устида иш олиб борилмоқда. Аҳоли яқин 20 йил ичида ўзининг ит ва мушуклари билан бемалол мулоқот қилиш имконига эга бўлиши мумкин.
Илгари Японияда бу борада 2040 йилгача илмий тахминлар эълон қилинган “Оқ китоб” нашр этилганди. Унда одамлар ушбу муддатда уй ҳайвонлари билан сўзлашишни ўрганиши айтилганди. Бундай технологиялар нафақат ҳайвонлар билан алоқани таъминлаши, балки турли сабаблар билан сўзлашиш имкониятини йўқотган ёки туғма соқовлар билан гаплашишни тиклаш учун ҳам асқотади.
Мисол учун, мияси фалажланган мижозлар бошига электрод ўрнатилади. У мия фаолиятини жонлантириб, фикрни экранда акс эттиради.
Японлар агар бундай электрон қурилма билан хизмат итлари “жиҳозланса”, улар табиий офатларда одамларни қутқариш, портловчи ва гиёҳванд моддаларни топишда қўл келишини айтишмоқда.
Т.МУРОД тайёрлади