«МЮ» «Астон Вилла»га ютқазса, тен Ҳаг истеъфога чиқарилиши мумкин

«Манчестер Юнайтед» «Астон Вилла»га ютқазса, Эрик тен Ҳаг истефога чиқарилиши ва унинг ўрнига Руд ван Нистелрой вақтинчалик мураббий этиб тайинланиши мумкин. Бу ҳақда вазиятдан хабардор манбаларга таяниб, ESPN хабар берди.

Манкунианликлар бугун, 6 октябр куни АПЛнинг 7-тури доирасида сафарда Бирмингҳэм клубига қарши баҳс олиб боради.

6 та турдан сўнг нидерландиялик мутахассис бошчилигидаги «МЮ» турнир жадвалида 14-ўринни эгаллаб турибди.

Европа Лигасининг 2-туридан кейин эса «қизил иблислар» 2 очко билан 36 жамоа орасида 21-поғонада бормоқда.