Эроннинг янги Олий раҳбари Мужтаба Хоминаийнинг қаерда эканлиги ва саломатлиги борасидаги хабарлар халқаро ҳамжамият диққат марказида бўлиб турибди. Кувайтнинг "Al-Jarida" нашри тарқатган маълумотларга кўра, у айни дамда Россия пойтахтида тиббий муолажалар олмоқда.
Хабарларга кўра, Мужтаба Хоминаий 12 март куни Россия ҳарбий самолётида Москвага етказилган. Эслатиб ўтамиз, у 28 февраль куни АҚШ ва Исроил томонидан Оятуллоҳ Али Хоминаий қароргоҳига берилган зарба оқибатида жароҳатланган эди.
Гарчи у 7 март куни мамлакатнинг янги раҳбари сифатида эълон қилинган бўлса-да, шу вақтга қадар оммага кўриниш бермади. "The Guardian" ва "CNN" манбаларининг таъкидлашича, Мужтаба Хоминаийнинг қўл-оёқлари, шунингдек, юз ва кўз соҳасида жиддий жароҳатлар бор.
Маълумотларга кўра, Россия президенти Владимир Путин 10 март куни Эрон президенти Масъуд Пизишкиён билан мулоқот чоғида юқори малакали тиббий ёрдам таклиф қилган. Шундан сўнг Хоминаий Москвадаги Кремлга алоқадор хусусий клиникалардан бирига жойлаштирилгани ва мураккаб операцияни бошдан кечиргани айтилмоқда.
Бугун, 16 март куни Россия президенти матбуот котиби Дмитрий Песков ОАВ вакиллари билан учрашувда ушбу мавзуга тўхталди. Бироқ у вазиятни на тасдиқлади ва на инкор этди:
"Биз бундай хабарларга ҳеч қандай изоҳ бермаймиз", — дея қисқа жавоб қайтарди Песков.
Эроннинг янги раҳбарининг саломатлиги ва унинг сиёсий майдондаги келгуси ҳаракатлари минтақадаги вазиятни тубдан ўзгартириб юбориши мумкин.
БМТда уят ва бемаънилик театри
Эрон Исроилга ўта оғир баллистик ракеталар билан кучли ҳужум уюштирди
Трамп дунё давлатларидан ёрдам сўради
