Моуриньо ва Луис Энрике кучли бешликда — энг кўп маош олувчи мураббийлар

2026/27 мавсумида футбол мураббийлари орасида энг юқори йиллик маош олаётган мутахассислар рейтинги тақдим этилди.

Рейтингнинг биринчи поғонасини "Ал-Ҳилол" бош мураббийи Симоне Индзаги эгаллаб турибди. Италиялик мутахассис йилига 26 млн евро маош олади. Унинг клуб билан шартномаси 2027 йилгача амал қилади.

Ундан кейин "Атлетико" устози Диего Симеоне жойлашган — 23,5 млн евро. Кучли учликни "Арсенал" бош мураббийи Микель Артета якунлаб берган. Унинг йиллик маоши 15 млн фунт сифатида кўрсатилган.

"Реал"ни бошқараётган Жозе Моуриньо ва "ПСЖ" устози Луис Энрике эса 12 млн евродан (янги шартномага кўра 20 млн) маош билан кейинги ўринларни банд этган.

Рейтингда Анге Постекоглу 11,7 млн евро, Оливер Гласнер ва Хаби Алонсо 11,5 млн евродан, Лучано Спаллетти 11,2 млн евро, Энцо Мареска эса 10 млн евро йиллик маош билан қайд этилган.

Шу тариқа, тақдим этилган рўйхатда Инзагининг йиллик даромади иккинчи ўриндаги Симеоненикидан 2,5 млн евро, Артетаникидан эса сезиларли даражада юқори.