Москва шаҳрининг ғарбий қисмидаги хонадондан 155 та олтин қуймани ўғирлаган уй фаррошиси қўлга олинди. Ўғирлик юзасидан жиноий иш қўзғатилган. Бу ҳақда Россия Ички ишлар вазирлигининг Москва шаҳар бош бошқармаси матбуот хизмати хабар берди.
Маълум қилинишича, хонадон эгаси уйда бўлмаган вақтда клининг хизмати ходими ётоқхонадаги сейфни очиб, олтин қуймаларни олиб кетган. Сейф калити эса каравот ёнидаги тумбочкада сақланган. Етказилган зарар миқдори бир миллион рублдан ошган.
Полиция Новгород вилоятида яшовчи 52 ёшли аёлни қўлга олган. Москва вилоятидаги ижара уйида ўтказилган тинтув вақтида ундан ҳар бири 53 граммлик саккизта олтин қуйма топилган.
Гумонланувчи ҳуқуқ-тартибот идоралари ходимларига олтинларни қимматбаҳо металлар сотиб олувчи шахсларга топшириб, тушган пулни шахсий эҳтиёжлари учун сарфлаганини айтган.
Мазкур ҳолат юзасидан Россия Жиноят кодексининг 158-моддаси 3-қисми (ўғирлик) бўйича жиноий иш қўзғатилган. Аёлга айблов эълон қилинган ва унга нисбатан мамлакат ҳудудидан чиқиб кетмаслик ҳамда белгиланган тартиб-қоидаларга риоя қилиш тўғрисида тилхат кўринишидаги эҳтиёт чораси қўлланган.
АҚШ Россия нефтни қайта ишлаш заводларига қилинган зарбалар туфайли Украинага қурол етказиб беришни тўхтатиш билан таҳдид қилмоқда
Роналдунинг севгилиси Мессининг оиласига учта сўз билан мурожаат қилди
Ўзбекистонда уч қиздан кейин оила тўрт нафар ўғил фарзанд кутаётгани маълум бўлди
