Москвадаги Кутузовский проспектида содир бўлган бахтсиз ҳодисада икки киши ҳалок бўлди. Яна икки нафари оғир яраланган. ЙТҲда ҳалок бўлганлар орасида блогер Саид Губденский ҳам бор. Унинг BMW автомобили қарама-қарши йўналишга чиқиб кетди ва бир нечта автомобиллар, жумладан Форбес журнали талқинига кўра Россиянинг энг бой 200 нафар тадбиркори бизнесмен Ратмир Тимашевнинг Мерседес машинаси билан тўқнашиб кетди. Тимашев машинада бўлган-бўлмагани номаълум.
Саиднинг ўзи эса шифокорлар етиб келгунча воқеа жойида вафот этган. Сўнгги маълумотларга кўра, BMW йўловчиси касалхонада жон берган.