Мисрнинг Ўрта ер денгизида АҚШ тегишли танкерга дрон ҳужум қилди

Мисрнинг Ўрта ер денгизидаги Дамиетта портида АҚШга тегишли газ сақлаш танкерига дрон ҳужум қилди.

Бу ҳақда Ambrey денгиз хавфсизлиги компанияси маълум қилди.

Компания маълумотларига кўра, дрон Energos Winter кемасига урилиб, ёнғинга сабаб бўлган. Кейин ёнғин яқин атрофдаги Gaslog Salem газ ташувчи кемасига тарқалди.

Inchcape порт хизматлари компанияси ҳам Дамиетта портида иккита газ ташувчи кемада ёнғин содир бўлганини хабар қилди.

Манбаларга кўра, экипаж эвакуация қилинган ва ёнғин назоратга олинган. Ҳеч ким жароҳатланмаган. Ҳужум ортида турганларнинг шахси ҳали ҳам номаълум.