4 июль куни Zarnews.uz телеграм тармоғида “Жомбой туманидаги “Зарафшон" миллий табиат боғида ёнғин содир бўлди” сарлавҳали мақола эълон қилинганди.
Мазкур ҳолат юзасидан вилоят экология ва атроф-муҳитни муҳофаза қилиш бошқармаси ходимлари томонидан ўрганиш олиб борилди.
Ўрганишларга кўра, ҳақиқатда "Зарафшон" миллий табиат боғининг 4-ўрмон бўлими, 9-кварталида тахминан 1,05 гектар ер майдони ёнган. Ушбу ерда жами 200 га яқин дарахт ва бутазорга зарар етказилганлиги сабабли миллий табиат боғининг бўлим масъул нозирига нисбатан қонунларда белгиланган талаблар асосида баённома расмийлаштирилди.
Айни пайтда ҳолат юзасидан суриштирув ишлари олиб борилмоқда.
