Месси жаҳон чемпионатидаги илк голидан роппа-роса 20 йил ўтиб яна гол урди

Лионель Месси жаҳон чемпионатларидаги ўзининг 14-голини илк голидан роппа-роса 20 йил ўтиб киритди.

2006 йилнинг 16 июнида ҳужумчи Сербия терма жамоаси дарвозасини ишғол қилган эди — бу унинг мундиалларнинг финал босқичидаги илк голи ва турнирдаги дебют учрашуви эди. Бугун, орадан роппа-роса 20 йил ўтиб, форвард жаҳон чемпионатида 14-бор рақиблар дарвозасига йўл топди — бу сафар Жазоир терма жамоаси ундан жабр кўрди.

Месси фаолияти давомида жаҳон чемпионатларида жами 27 та учрашув ўтказди. Шунингдек, унинг ҳисобида саккизта голли узатма ҳам мавжуд.