Аргентина терма жамоаси капитани Лионель Месси 9 август куни отаси Хорхе Месси билан сўнгги бор хайрлашди. Clarin хабар беришича, маросим Аргентинанинг Росарио шаҳрида яқин қариндошлар ва дўстлар даврасида ўтказилган.
Хорхе Месси жума куни кечқурун узоқ давом этган касалликдан сўнг 69 ёшга тўлмасидан вафот этган. 39 ёшли футболчи дафн маросимида қатнашиш учун «Интер Майами» ихтиёрини тарк этиб, АҚШдан Аргентинага учиб келган.
Маросим Эль-Прадо қабристонида бўлиб ўтди. Хавфсизлик чоралари кучайтирилиб, қабристон ҳудуди кўп сонли қўриқчилар томонидан ўраб олинган. Хайрлашув маросими ўтказилган ибодатхонага фақат Мессининг оила аъзолари ва энг яқин дўстларигина киритилган.
Маросимдан сўнг футболчининг ака-укаларидан бири Родриго Месси қабристон ҳудудини асосий дарвоза орқали тарк этган. Лионель Месси ва унинг оила аъзолари эса бошқа чиқиш йўлагидан фойдаланган.
Ҳозирча Мессининг «Интер Майами»га қачон қайтиши маълум қилинмаган.
Ҳусановнинг дўсти рекорд нархга трансфер қилинди
Илон Маск Украинага Россиянинг ичкарисига зарба бериш учун Starlink тақдим этишдан бош тортди
Олимлар Ер аҳолиси сонини босқичма-босқич камайтириш ғоясини илгари сурди
