Мерцнинг ишидан норози бўлаётган Германия фуқаролари сони ортиб бормоқда

Германияда ёқилғи нархларининг кўтарилиши фонида канцлер Фридрих Мерцнинг фаолиятидан норозилик даражаси рекорд даражадаги 70 фризга етди.

Бу INSA социология институти томонидан Bild газетасининг илтимосига биноан ўтказилган сўров натижаларига кўра маълум қилинди.

Респондентларнинг атиги 21 фоизи бош вазирнинг фаолиятини ижобий баҳолади - бу барча даврлардаги энг паст кўрсаткич. Яна 9 фоизи қарор қабул қилмади. Германия фуқароларининг 73 фоизи ХДС/ХСС ва Германия Социал-демократик партияси (СДП) бошчилигидаги ҳукумат фаолиятидан норози, атиги 20 фоизи ижобий баҳолади ва яна 7 фоизи қарор қабул қилмади.

Сўров 9-10 апрель кунлари ўтказилди ва унда 1003 респондент иштирок этди.

"Ҳатто ҳукмрон партиялар тарафдорлари ҳам ҳукуматдан жуда норози. Канцлер ва коалиция бу тенденцияни ўзгартира олиши эҳтимолдан йироқ", деди INSA раҳбари Ҳерманн Бинкерт.