Мен Путиндан мамнун эмасман...

Мен Путиндан мамнун эмасман, чунки у “жуда кўп одамларнинг” ўлимига сабаб бўлмоқда — Доналд Трамп.

АҚШ президенти яна бир бор Украина урушини Байдендан “мерос қилиб олганини” таъкидлади. Шу билан бирга, Трамп тинчлик музокараларида илгарилаш борлигини айтди.

Доналд Трампнинг бошқа баёнотлари:

◾️ Путин билан Мадуро масаласида ҳеч қачон гаплашмаганман. Венесуэладаги операция сабабли АҚШ ва Россия ўртасида жиддий муаммолар бўлишини кутмаяпман;

◾️ Мен Россия–Украина урушини “энг осон ҳал бўладиган можаро” деб ўйлагандим, аммо ҳозирча унга барҳам бера олмадим;

◾️ АҚШ Украина можаросида пул йўқотмаяпти, балки ундан даромад кўрмоқда;

◾️ Агар зарурат туғилса, АҚШ ўз қўшинларини Венесуэлага жойлаштиради;

◾️ Венесуэла вице-президенти Делси Родригес АҚШ давлат котиби Марко Рубиога Вашингтоннинг талабларини бажаришга ваъда берди. Агар шундай бўлса, АҚШ қўшинлари Венесуэлага киритилмайди;

◾️ Мен Чили, Аргентина ва Гондурас президентларининг фаолиятини маъқуллаганман;

◾️ Мадуро бункерга яширинишга уринган, бироқ АҚШ ҳарбийлари унинг қочишига йўл қўймаган. Кучли отишма бўлган. 47 сония ичида америкалик ҳарбийлар ҳудудни тозалаб, Мадурони қўлга олган;

◾️ Агар қўлга олиш пайтида қаршилик кўрсатганида, Мадуро ўлдирилиши мумкин эди;

◾️ Венесуэла ўз ҳудудида хорижий кучларни жойлаштирган ва Қўшма Штатларга таҳдид соладиган ҳужумкор қуролларни сотиб олган;

◾️ Бизни Венесуэлани қайта қуриш кутмоқда. Биз Венесуэланинг ер ости ресурсларидан жуда катта маблағга эга бўламиз.