АҚШ президенти Доналд Трамп Франция президенти Эммануел Макронни Тинчлик кенгашига қўшилишдан бош тортгани учун танқид қилди. Трамп бу ҳақда журналистларга берган баёнотида маълум қилди.
"Макрон тез орада лавозимини тарк этади. Агар у ўз позициясини ўзгартирмаса, мен француз винолари ва шампанларига 200 фоизлик бож жорий қиламан, шунда у Тинчлик кенгашига қўшилади", — деди Трамп.
Аввалроқ Bloomberg агентлиги Эммануэл Макрон ушбу таклифни қабул қилиш ниятида эмаслигини хабар қилган эди.
Financial Times нашрининг ёзишича, Тинчлик Кенгаши низоми матнида Ғазо тилга олинмаган, аммо "тинчликни мустаҳкамлаш учун янада мослашувчан ва самарали халқаро орган" тузиш зарурлиги алоҳида таъкидланган.
Журналистлар ва экспертлар бу кенгашни Трамп ҳаракатсизлиги учун бир неча бор танқид қилган БМТ Хавфсизлик кенгашига рақобатчи бўлиши мумкин дея баҳолаган.
Низомда кенгашнинг доимий аъзоси бўлишни истаган давлатлар биринчи йил давомида 1 млрд доллар миқдорида бадал тўлаши кераклиги кўрсатилган, шу йўл билан йиғилган барча маблағлар Ғазо секторини тиклашга йўналтирилади. Вақтинчалик аъзолик эса бепул бўлиб, мамлакатга уч йил муддатга берилади.
Ҳатто ЙТҲдан кейин ҳам Адам Қодиров медал олиб келмоқда
Гренландия ташқи ишлар вазири йиғлаб юборди
Украина Россиянинг "Орешник" ракеталари учириладиган ракета майдончасига зарба берди
