"Мен Ермакни коррупция бўйича тергов туфайли ишдан бўшатмадим"

Украина президенти The Atlantic нашрига берган интервюсида халқ манфаатларига тўғри келмайдиган битимга рози бўлишдан кўра, умуман келишув тузмасликни афзал кўришини маълум қилди.

Владимир Зеленскийнинг интервюсидан асосий иқтибослар:

◾️ Трамп учун Россия ва Украина ўртасидаги урушни тўхтатишдан кўра каттароқ ғалаба йўқ. Бу Трамп қолдирадиган сиёсий меросдаги энг муҳим вазифа;

◾️ Доналд Трaмп учун энг фойдали вазият — келишувни АҚШдаги сайловлардан олдин амалга ошириш. Тўғри, у камроқ ўлим бўлишини хоҳлайди. Лекин жиддий айтганда, бу шунчаки унинг сиёсий ғалабаси бўлади;

◾️ Тинчлик йўлидаги энг биринчи қадам — сулҳ ўрнатилгач, АҚШ ва Европа томонидан Украина ҳимоя қилинишини кафолатлашдир;

◾️ Биз ҳеч нарсадан қўрқмаймиз. Сайловга ҳам, референдумга ҳам тайёрмиз;

◾️ Мен ҳокимиятга ёпишиб олганим йўқ, сайловларга тайёрман;

◾️ Уруш давомида сайлов ўтказиш фикри руслардан чиқди, чунки улар мендан қутулишни хоҳлашади;

◾️ Мен Ермакни коррупция бўйича тергов туфайли ишдан бўшатмадим. Бунинг ўзига яраша сабаблари бор эди.