Мексиканинг Монтеррей шаҳрида жонли эфир вақтида журналист ва операторни йўлтанламас автомобиль уриб кетди. Ҳодиса оқибатида улар жароҳатланган, бироқ ҳозирда аҳволи барқарор.
Воқеа 2 октябрь куни кучли ёмғирдан кейинги вазиятни ёритаётган суратга олиш гуруҳи ишлаётган пайтда содир бўлган. Журналист Алма де ла Роса Флорес ва оператор Кристо Моралес йўл четида репортаж тайёрлаётган бўлган.
Нам йўлда ҳаракатланган Jeep ҳайдовчиси бошқарувни йўқотиб, автомобилни журналистлар томон буриб юборган. Автомобиль уларни урганидан сўнг жонли эфир тўсатдан узилиб қолган.
Ҳодиса жойига қутқарувчилар ва тиббиёт ходимлари етиб келган. Оператор шифохонага олиб кетилган, журналист эса тез ёрдам машинасига қутқарувчилар ёрдамида жойлаштирилган.
Тиббий кўрикдан сўнг журналистда бир нечта лат ейиш ҳолатлари аниқланган, бироқ суяк синиши қайд этилмаган. Оператoрда ҳам тахмин қилинган синишлар тасдиқланмаган.
Автомобиль ҳайдовчиси полиция томонидан қўлга олинган ва кейинги тергов учун прокуратурага топширилган.
Нега Исроил Ўзбекистонга қизиқиб қолди?
Айиқ овлаганларга пул мукофоти ваъда қилинди
Аэропортда янги туғилган чақалоқ ва унинг онаси вафот этди
