АҚШ президенти Дональд Трамп Оқ уй яқинидаги назорат пунктида содир бўлган отишмада жароҳат олмади.
Бу ҳақда Махфий хизмат ўз баёнотида эълон қилди.
Ҳодиса президент, бошқа ҳимояланган шахслар ёки давом этаётган хизмат операцияларининг хавфсизлигига таъсир қилмади. Ҳодиса содир бўлган пайтда Трамп Оқ уй ичида бўлган.
Дастлабки маълумотларга кўра, қуролли шахс 17-кўча ва Пенсилвания проспектининг шимоли-ғарбий қисмига яқинлашган, кейин қуролини чиқариб, ўқ узган. Махфий хизмат ходимлари жавобан ўқ узиб, ҳужумчини яралаган.
Эркак касалхонага олиб кетилган, у ерда шифокорлар унинг ўлганини айтишган. Отишмада бир гувоҳ ҳам яраланган. Унинг аҳволи номаълум.
ФҚБ агентлари воқеа жойида. Тергов давом этмоқда.
New York Post газетасининг хабар беришича, отишмани уюштирган шахс 21 ёшли Насир Бест бўлган.
Мактабларда «Сўнгги қўнғироқ» тадбирлари қачон ўтказилиши маълум бўлди
Президентнинг янги қарори қабул қилинди
Дунёдаги энг йирик олтин ишлаб чиқарувчи давлатлар йиллик тонна ҳисобида кўрсатилди
