Италиянинг “Наполи” клуби футболчиси Скотт Мактоминей юрагида абляция амалиёти ўтказилди. Клуб матбуот хизмати маълумотига кўра, жарроҳлик муваффақиятли якунланган.
Тиббий кўриклар давомида шотландиялик футболчида юрак уришида енгил кўринишдаги яхши сифатли аритмия аниқланган эди. Шифокорлар тавсиясига биноан амалга оширилган операциядан сўнг Мактоминей камида икки ҳафта дам олиши керак. Шу муддатдан кейин у машғулотларга қайтиши мумкин.
Абляция — юракнинг меъёрдан ташқари электр ритмини тўғрилашга қаратилган тиббий усул ҳисобланади.
29 ёшли Скотт Мактоминей “Наполи” сафида 2024 йилдан бери ўйнайди. У неаполликлар таркибида 82 ўйин ўтказиб, 27 та гол урган. Жамоа билан бирга Италия чемпиони ва Италия Суперкубоги соҳиби бўлган.
Бундан олдин, 2017–2024 йилларда Мактоминей Англиянинг “Манчестер Юнайтед” клуби шарафини ҳимоя қилган. Ушбу жамоа билан бир марта Англия кубоги ва бир марта Лига кубогини қўлга киритган. Шотландия терма жамоаси таркибида эса 73 ўйинда майдонга тушиб, 15 та гол муаллифи бўлган.
Эрон устидан ғалаба Ўзбекистонни ФИФА рейтингида юқорига кўтарди
«Манчестер Сити» футболдан бутунлай четлатилиши ҳам мумкин
Ўзбекистон терма жамоаси аъзоси легионерга айланиши мумкин
