Марко Рубио Самарқандда нималарни муҳокама қилади?

1. АҚШ инвестициялари. Америка компанияларининг Ўзбекистон ва Марказий Осиёдаги лойиҳаларини кўпайтириш, янги битимлар тузиш.

2. Нодир ва стратегик металлар. АҚШ саноати учун муҳим хомашёлар бўйича ҳамкорлик. Бу Америка делегацияси эътиборидаги асосий йўналишлардан бири.

3. Терроризмга қарши кураш. Марказий Осиёнинг айрим давлатлари билан хавфсизлик ҳамкорлигини кенгайтириш.

4. Boeing билан бизнес алоқалари. Boeing вакиллари делегацияда қатнашади.

5. Банклар ва молиялаштириш. Citibank, Franklin Templeton, АҚШ Экспорт-импорт банки ва DFC иштирокида инвестицияларни молиялаштириш имкониятлари.

6. Савдо алоқаларини кенгайтириш. Америка компанияларини маҳаллий бизнес ва ҳукумат вакиллари билан боғлаш, янги ҳамкорликларни йўлга қўйиш.

7. Минтақавий хавфсизлик. АҚШ ва Марказий Осиёнинг беш давлати ўртасида хавфсизлик бўйича ҳамкорлик.

8. C5+1 учрашуви. Ўзбекистон, Қозоғистон, Қирғизистон, Тожикистон, Туркманистон ва АҚШ ташқи ишлар вазирларининг музокаралари.

9. Ўзбекистон билан алоҳида музокаралар. Инвестиция лойиҳалари ва стратегик шерикликни кенгайтириш.

10. Қозоғистон билан алоҳида музокаралар. Икки томонлама иқтисодий ва хавфсизлик алоқалари.

11. Қирғизистон, Тожикистон ва Туркманистон билан музокаралар. Ҳар бир давлатнинг юқори мартабали вакиллари билан алоҳида учрашувлар режалаштирилган.

12. Ўзбекистон–АҚШ бизнес ва инвестиция кенгаши. Кенгашнинг иккинчи йиғилиши доирасида қўшма лойиҳалар ва уларни тезлаштириш масалалари кўрилиши кутилмоқда.