"Мамлакат раҳбарини фақат Украина халқи танлаши мумкин" - Зеленский

Украина президентини Трамп ҳам, Маск ҳам, бошқа ҳеч ким ҳам танлай олмайди. Мамлакат раҳбарини фақат Украина халқи танлаши мумкин - Зеленский,

«Агар мени лавозимдан четлатишса, янги президент — эркакми ёки аёлми — мамлакатимизни ҳимоя қилишига ишонаман. Чунки бу бизнинг уйимиз», — деди Зеленский.

Журналист Пирс Морган Украина АҚШ ёрдамисиз ғалаба қозона оладими, деб сўраганида, Зеленский шундай жавоб берди:

«Биз ҳеч қандай ҳолатда мустақиллигимизни йўқотишга йўл қўймаймиз. Айрим нуфузли инсонлар мени алмаштиришни хоҳлашади. Чунки мен Украина ҳудудини ҳеч қачон Россия ҳудуди деб тан олмайман» — деб жавоб берди Зеленский.

Шунингдек, Зеленский Ҳўрмуз бўғози атрофидаги воқеаларга ҳам тўхталиб ўтди.

"Нархлар ошганининг ҳақиқий сабаби — Ҳўрмуз бўғози. Бутун дунё буни 100 фоиз аниқ тушуниб турибди" — деди Зеленский.