Приморье ўлкасида кўп болали ота ва она қўлга олинди. Улар боласини мазах қилишгани учун 5-синф ўқувчиларини ҳожатхонада қийноққа солган. Натижада болаларнинг саломатлиги сезиларди даражада ёмонлашган.
Лайф нашрининг ёзишича, фарзандларини устидан кулган ўқувчиларни қилмишидан пушаймон қилиш учун ота-она мактабга келган. Кейин эса 5-синф ўқувчиларини ҳожатхонага қамаб, қийнашган. Юзларига уришган, ҳатто аёл болаларнинг бошини унитазга тиққан.
Бу воқеадан кейин мактаб директори ишдан кетди. Воқеа юзасидан тергов бошланди.