Макрон: Европа Россия билан мулоқот ҳуқуқини ҳеч кимга бермаслиги керак

Франция президенти Эмманюэль Макрон Европанинг Россия билан мулоқот олиб бориш имкониятини ҳеч кимга топширмаслиги кераклигини айтди.

У Давосдаги Жаҳон иқтисодий форуми доирасида Россия музокарачилари АҚШ ва бошқа давлатлар билан алоқада эканини таъкидлаб, Европа ҳам асосий ҳамкорлари билан биргаликда мулоқотни қайта йўлга қўйишни исташини билдирди.

Шу билан бирга, Макрон яқин кунларда Парижда Россия ва Украина иштирокида G7 учрашуви ўтказилиши мумкинлигини тасдиқламади.