Макрон: "АҚШ энди Россия ва Украина ўртасидаги можарода бетараф эмас"

Қўшма Штатлар энди Россия-Украина урушида нейтрал воситачи эмас.

Франция президенти Эммануэль Макрон бу ҳақда Антибесда бўлиб ўтган 36-Франция-Италия саммитидан кейинги матбуот анжуманида маълум қилди.

Унинг таъкидлашича, Вашингтон биринчи марта Украинанинг ҳудудий яхлитлигини қўллаб-қувватлаш, Киевга ҳарбий ёрдам, энергетика соҳасидаги ёрдам ва Россияга қарши санксияларни белгиловчи ҳужжатни маъқуллаган.

Макрон G7 етакчиларининг яқинда эълон қилинган қўшма баёнотини назарда тутган. Унда G7 мамлакатлари, жумладан, Қўшма Штатлар юқорида айтиб ўтилган фикрларни қўллаб-қувватлашларини яна бир бор тасдиқладилар.