Хонанда Лола Йўлдошеванинг "Севгингни менга айт" номли қўшиғига ишланган клип омма орасида шов-шувларга сабаб бўлган эди. Қўшиқ ва клип юзасидан омма фикрини ўрганган хонанда "Севгингни менга айт-2" номли янги видеоклипни суратга олди.
Лоланинг ютубдаги каналига жойланган мазкур видеоеклип томошабинлар томонидан "Бомба" дея эътироф этилмоқда. Сабаби, видеода бугунги жамиятимизда кузатилаётган айрим мантиқсизликлар нозик кулгу остига олинган. Клипда хонанда юртимиз шоу-бизнесидаги ёзилмаган ҳамда бирор мантиққа тўғри келмайдиган қонун-қоидалар, соқол масаласи, жиноятга мойил аёллар рўйхатини тузиш каби ҳолатларни воқеалар сюжетига усталик билан киритиб юборган.
Хуллас, клипни кулгисиз томоша қилишнинг имкони йўқ. Дарвоқе, хонанда ўз клипини "Лоланинг лицензияси олиндими?" дея номлашида ҳам алоҳида маъно бор. Бугун эълон қилинган видеоклипга "Ўзбекнаво" томонидан яқин орада муносабат билдирилиши кутилмоқда. Хўш, ана шундай клипдан сўнг ҳам Лола лицензиясидан айрилмай, ижодини давом эттира оладими? Марҳамат, клипни ўзингиз томоша қилинг.
